أشترك وتابع فيديوهات وكورسات تعليم صيانة اللابتوب علي اليوتيوب .. أضغط هنا
.
اللي متابع الايام الماضية Lenovo نزلت اول لاب توب يستخدم LPDDR5 CAMM2 في العالم ودة رام موديول من ابتكار SAMSUNG وهو احدث من CAMM الخاص ب DELL ومتوقع انه ينتشر السنوات القادمة لعدة اسباب اهمها انه حل مشاكل الاعطال المتكررة اللي ظهرت في شيبات الرام المدمجة علي بورد اجهزة اللاب توب ومشاكل واعطال Apple`s Unified Memory في اجهزة أبل خلال السنوات القليلة اللي فاتت واللي كانوا مجبرين يلحمو شيبات الرامات فيها بجانب المعالجات لتوفير السرعة المطلوبة لكن مع السرعة ظهرت اعطال كتيرة ومع قلة توافر قطع الغيار كان سبب ان اجهزة كتير ماتت وموديلات اكتر بقت تريند بالسمعة السيئة ، الموديول الجديد وفر اضعاف سرعة نقل البيانات مع توفير 60٪ من الطاقة المستهلكة في التقنيات اللي قبل كدة يعني شغل اكتر واسرع ومرات شحن بطارية اقل وعمر افتراضي اطول وحرارة اقل، كمان التصميم معمول بحيث يسمح لليوزر بتغير الموديول بنفسة دة حتي ال Connector بيتغير بسهولة يعني وداعًا لاعطال الرام البلتي ان ، حاليًا الموديول متوفر بمساحات من 16جيجا الي 128 جيجا ،
اما بالنسبة للي يهمك ك متخصص
المديول 644Pin
ال PCB من 10 طبقات الي 16 طبقة ودي ميزة سمحت انه حجمة يكون حوالي 8سم ×3سم
حاجة تانية مهمة لينا مبقاش في دايرة رامات علي ماذربورد اللاب توب لان الموديول هيوفرها عن طريق انه هياخد ال 5V من دايرة ال Power system ويحولها لعدة فولتيات هسيبهالك في اخر التدوينة مع الاشارات المهمة اللي هتفيدنا في تتبع اعطال الاجيال دي مستقبلاً، دة معناه انه عمليات الصيانة هتبقي اسهل يعني مثلا الموديل اللي نزل استخدم ايسي PMIC5200 ودة وفر كل الفولتيات سواء ال PWM او ال LDO اللي محتاجها المديول والمعالج وطبعا مكنش ينفع يعتمدوا علي النظام القديم لل SPD لانه المديول يعتبر اكتر من رام في قطعة واحدة فاعتمدوا علي SPD5118 ودة SPD HUB IC
موديل اللاب توب اللي نزل من ايام ThinkPad P1 Gen 7
الحمدلله الايام الماضية تم الانتهاء من التصميم المبدأي لاول تيستر هيتم تركيبة في كونيكتور المديول لقياس الاشارات والارجل المهمة وعرض POST CODES واللي هتفيدنا في تتبع الاعطال واللي باذن الله هبدأ في عمل التجارب الخاصة به فور انتشار المديول في الاسواق وهذة قائمة الفولتيات الرئيسية وبعض اسماء الاشارات الخاصة بالمديول والتي سيتم تتبعها بدون تيستر عن طريق مخطط اللاب توب .
1.1V ، 0.5V ، 1.05V
VDD2L=0.9V
VDD2H=1.05V
VDDQ=0.5V
VDD=1.1V
HSCL=1.0V
HSDA=1.0V
HSA=2.1V
VPP=1.8V
DVFSQ#=1.8V
PWR_EN=1.8V
UNLOCK=1.8V
DQS=VDDQ
DQ0=VDDQ
DMI=VDDQ
WCKT,C=VDDQ
RESET#=80-20% OF VDDQ
CLK_T=VDD
CLK_C=VDD
CLK-N=F-EDGE
CLK-P=R-EDGE
VIN_BULK=5V
REG= 46,4A,4C
TSD=1024 byte
